గుంటూరులో ఘనంగా ముఖ్యమంత్రి జన్మదిన వేడుకలు

చంద్రబాబు 69వ జన్మదినాన్ని పురస్కరించుకుని రాష్ట్రవ్యాప్తంగా తెదేపా అభిమానులు, కార్యకర్తలు వేడుకలు నిర్వహిస్తున్నారు.

ముఖ్యమంత్రి చంద్రబాబు పుట్టిన రోజు వేడుకలు గుంటూరు రాష్ట్ర తెలుగుదేశం పార్టీ కార్యాలయంలో ఘనంగా జరిగాయి. మంత్రి నక్కా ఆనంద్ బాబు, ఎమ్మెల్యే జీవి ఆంజనేయులు కలిసి కేక్ కట్ చేశారు. చంద్రబాబు వంటి మహా నాయకుని సేవలు ఏపీకే కాక, దేశానికి కూడా ఎంతో అవసరమని అభిప్రాయపడ్డారు. సీఎం పని తీరు గుర్తించిన ప్రజలు ఎపీలో మరోసారి టీడీపీకే పట్టం కట్టనున్నారని ఆశాభావం వ్యక్తం చేశారు. ప్రపంచవ్యాప్తంగా ఉన్న తెలుగువారు.. చంద్రబాబు పుట్టిన రోజుని పండగలా చేసుకుంటున్నారని అన్నారు.