కరోనా జాగ్రత్తలు పాటిస్తూ అమరావతి రైతుల ధర్నా
రాజధాని రైతుల ఆందోళనలు 97వ రోజుకు చేరుకున్నాయి. కరోనా నేపథ్యంలో కృష్ణాయపాలెం, వెలగపూడి దీక్షశిబిరాలలో కొద్దిమంది మాత్రమే నిరసనలు చేస్తున్నారు. కోవిడ్-19 కట్టడికి ముందు జాగ్రత్తలను పాటిస్తూ రైతులు దీక్షలను కొనసాగిస్తున్నారు. చిన్నారులు ఉద్యమంలో పాలుపంచుకున్నారు. మూడు రాజధానులు నిర్ణయాన్ని వెనక్కి తీసుకునే వరకు ఉద్యమాన్ని కొనసాగిస్తామని రైతులు స్పష్టం చేశారు. ఎన్ని విపత్తులు వచ్చినా ఉద్యమం మాత్రం ఆగదని వారు తెలిపారు.