రేపల్లెలో బాలుడు అదృశ్యం
గుంటూరు జిల్లా రేపల్లె పట్టణం 24వ వార్డుకు చెందిన వేముల త్రినాథ్ (4) అనే బాలుడు అదృశ్యమయ్యాడు. ఇంటి బయట ఆడుకుంటుండగా దుండగుడు పిల్లవాడిని అపహరించినట్లు బాలుని బంధువులు తెలిపారు. బాలుడిని భవాని మాల వేసుకున్న వ్యక్తి తీసుకెళ్తున్నట్లు స్థానికులు గమనించి బంధువులకు తెలిపారు. వారు పోలీసులకు ఫిర్యాదు చేయటంతో కేసు నమోదు చేసి దర్యాప్తు చేస్తున్నట్లు పట్టణ ఎస్సై చరణ్ తెలిపారు. బాలుడి తల్లిదండ్రులు వేరుగా ఉంటున్నారని,.. కొద్దిరోజులుగా పిల్లవాడు తండ్రి దగ్గరే ఉంటున్నారన్నారు. అన్ని పోలీస్స్టేషన్లకు సమాచారం అందించి బాలుడి ఆచూకీ కోసం గాలిస్తున్నట్లు తెలిపారు.