తూర్పు గోదావరి జిల్లాలో వైద్యశాలలకు 74 కిలో లీటర్ల ఆక్సిజన్ నిల్వ సామర్థ్యం ఉంది. ప్రస్తుతం కొరతతో జిల్లాకు కేవలం 35 కిలో లీటర్లు మాత్రమే రోజుకు సరఫరా అవుతోంది. తూర్పున ఉత్పత్తి కేంద్రాలు లేకపోవడంతో విశాఖ స్టీల్‌ప్లాంటు, ఒడిశాలోని అంగూర్‌ నుంచి తెప్పిస్తున్నారు. ప్రస్తుతం పరిశ్రమలు, కర్మాగారాల అవసరాలకు కేటాయించాల్సిన సరఫరానూ ఆపేశారు.
ఆక్సిజన్ బెడ్ల అవసరం పెరగడంతో డిశ్ఛార్జిలపై దృష్టిసారించారు. అవసరం లేకున్నా సిలిండర్లు వాడటం, ఆరోగ్యం నిలకడగా ఉన్న కేసులను మరోచోటుకు మార్చడం, లేదంటే డిశ్ఛార్జి చేసి.. మిగిలిన ప్రాణాపాయ స్థితిలో ఉన్నవారికి అవకాశం కల్పించేలా చర్యలు చేపట్టారు. ఆసుపత్రుల్లో వాస్తవస్థితిపై కలెక్టర్‌ మురళీధర్‌రెడ్డి ఆదేశాల మేరకు స్పెషల్‌ డీప్‌ డ్రైవ్‌ చేపట్టారు. బృందాలు తనిఖీ చేసి... ఆక్సిజన్ వ్యవస్థ, పడకల పరిస్థితిని చక్కదిద్దే చర్యలు చేపట్టారు.
10 శాతం కంటే తగ్గిన వృథా
మెడికల్‌ ఆక్సిజన్‌కు పెరుగుతున్న డిమాండ్‌ను దృష్టిలో పెట్టుకుని యంత్రాంగం అప్రమత్తమైంది. కలెక్టరేట్‌లో కొవిడ్‌ కంట్రోల్‌ రూమ్‌ వద్ద ఆక్సిజన్ మానిటరింగ్‌ సెల్‌ ద్వారా పర్యవేక్షిస్తున్నారు. ఆసుపత్రులకు సరఫరా పర్యవేక్షణ బాధ్యత జేసీ లక్ష్మీశకు అప్పగించారు.
గతంలో జిల్లాలో ఆక్సిజన్ వృథా 40 శాతం ఉంటే.. ఇప్పుడది పది శాతం కంటే తగ్గించారు. పైపులైన్ల లీకేజీలతో కొంత.. రోగులు కాలకృత్యాలకు వెళ్లినప్పుడు వృథాగా పోవడంతో మరికొంత.. ఎక్కువ సేపు ఆక్సిజన్ పెట్టుకుని ఉంచలేని పరిస్థితుల్లో తీసి పక్కన పెట్టడంతో మరికొంత వృథా అవుతున్నట్లు గుర్తించారు. సీసీ కెమెరాల ద్వారా ఈ తరహా వృథాను పరిశీలించి ఎప్పుటికప్పుడు ఆసుపత్రి సిబ్బందిని అప్రమత్తం చేసే వ్యవస్థను ఏర్పాటుచేశారు.
సాంకేతికంగా సరిదిద్దితేనే..
జీజీహెచ్‌లో 20 వేల లీటర్ల సామర్థ్యం ఉన్న ఆక్సిజన్ సరఫరా వ్యవస్థ ఉంది. రోజుకు 10 నుంచి 14 వేల లీటర్లు వాడుతున్నారు. వినియోగం పెరిగి ట్యాంకు సగానికి ఖాళీ అవడంతో ఫ్లో తగ్గుతోంది. ఈ సాంకేతిక సమస్యను పరిష్కరించాల్సి ఉంది. ఇటీవల ప్రారంభించిన వెయ్యి లీటర్ల సామర్థ్యం గల ఆక్సిజన్ ఉత్పత్తి చేసే కేంద్రాన్ని అత్యవసర సమయంలో వాడేందుకు సిద్ధంగా ఉంచారు.
రాజమహేంద్రవరం జిల్లా ఆసుపత్రిలో ప్రస్తుతం ఉన్న ట్యాంకుల మొత్తం సామర్థ్యం 16 కిలో లీటర్లు. ఈ రెండు లిక్విడ్‌ ఆక్సిజన్ ట్యాంకుల ద్వారా రోజువారీ 8.8 కి.లీ. వినియోగిస్తున్నారు. ఇక్కడున్న ఐసీయూ, ఆక్సిజన్ పడకలు నిండిపోవడంతో వినియోగం పెరిగింది. అవసరానికి తగ్గ నిల్వలు అందుబాటులో ఉంచి.. సమస్యలు ఎదురైతే సత్వర పరిష్కారానికి నిపుణులను నియమించాల్సి ఉంది.
ఇబ్బంది లేకుండా చూస్తున్నాం..