పట్టపగలే వృద్దురాలి మెడలోని 22 కాసుల బంగారు ఆభరణాలను.. గుర్తుతెలియని వ్యక్తి లాక్కుపోయిన ఘటన.. తూర్పుగోదావరి జిల్లా కొత్తపేటలో జరిగింది. కౌశిక్‌రోడ్డులో నివాసముండే లక్ష్మీకాంతం నడవలేదు. మధ్యహ్న సమయంలో భర్త వంట చేస్తుండగా.. ఆమె ఇంటి హాల్లో కూర్చుని ఉంది.
ముఖానికి గుడ్డకట్టుకున్న ఓ వ్యక్తి ఇంట్లోకి రాగా.. తెలిసిన వారనుకుని మాట్లాడే ప్రయత్నం చేసింది. అంతలోనే ముఖంపై కొట్టి ఒక్కసారిగా మెడలోలోని నల్లపూసల తాడు, గొలుసు లాక్కుని పారిపోయాడని బాధితురాలు వాపోయింది. సమాచారం అందుకున్న పోలీసులు కేసు నమోదు చేసి వివరాలు సేకరిస్తున్నారు.