అంతర్వేదిలో ఘనంగా కుంకుమ పూజలు

తూర్పు గోదావరి జిల్లా అంతర్వేదిలో శ్రావణ శుక్రవారం సందర్భంగా కుంకుమ పూజల్లో మహిళలు పెద్ద ఎత్తున పాల్గొన్నారు.

తూర్పుగోదావరి జిల్లా అంతర్వేది శ్రీలక్ష్మీనరసింహస్వామి ఆలయంలో శ్రావణ శుక్రవారం కుంకుమ పూజలు ఘనంగా జరిగాయి. ఆలయంలో ఉన్న రాజ్యలక్ష్మి అమ్మవారి సన్నిధిలో 800 మంది మహిళలు ప్రత్యేక పూజల్లో పాల్గొనడంతో ఆలయం భక్తులతో కిక్కిరిసిపోయింది. ఆలయ ప్రధానర్చకులు భక్తి శ్రద్ధలతో కుంకుమ పూజలు నిర్వహించి, అనంతరం తీర్థ ప్రసాదాలు అందజేశారు.

ఇదీ చదవండి : సామూహిక వరలక్ష్మి వ్రతానికి పోటెత్తిన భక్తులు