ప్రత్తిపాడుకు గోదావరి జలాలు.. ఆనందంలో రైతులు
తూర్పుగోదావరి జిల్లా ప్రత్తిపాడుకు గోదావరి జలాలు తరలివచ్చాయి. పురషోత్తపట్నం వద్ద పుష్కర ఎత్తిపోతల పథకం ద్వారా 350 క్యూసెక్కుల నీటిని విడుదల చేశారు. దీని ద్వారా నియోజకవర్గంలో వేల ఎకరాలకు నీరందుతుంది. నీరు మెట్టకు చేరినా అండర్ పాస్ పిల్ల కాలువలు సరిగ్గా లేక నీటిని రైతులు పూర్తిస్థాయిలో వినియోగించుకోలేకపోతున్నారు. ఆ కాలువలను బాగు చేయించాలనీ.. తద్వారా నీరు సరిగ్గా పారేలా చేయాలని రైతులు అధికారులను కోరుతున్నారు.