విద్యుదాఘాతంతో ఎలక్ట్రీషియన్ మృతి

విద్యుత్ మరమ్మతు పనులు చేసేందుకు కరెంట్ స్తంభం ఎక్కిన వ్యక్తి విద్యుదాఘాతంలో మృతిచెందిన ఘటన తూర్పుగోదావరి జిల్లా వెలిచేరులో జరిగింది. దీనిపై పోలీసులు విచారణ చేపట్టారు.

తూర్పుగోదావరి జిల్లా ఆత్రేయపురం మండలం వెలిచేరులో విద్యుదాఘాతంతో ఓ వ్యక్తి మృతిచెందాడు. గ్రామానికి చెందిన మెరుపే రవీంద్రబాబు ఎలక్ట్రీషియన్​గా పనిచేస్తున్నాడు. ఈరోజు పొలంలోని వ్యవసాయ మోటార్లకు సంబంధించిన మరమ్మతులు చేసేందుకు స్తంభం ఎక్కాడు.

ఒక్కసారిగా స్తంభానికి విద్యుత్ ప్రసరించటంతో కరెంట్ షాక్ కొట్టి మరణించాడు. లైన్ మెన్లు చేయాల్సిన పనులను ఎలక్ట్రీషయన్​తో చేయించడం వల్లే ప్రమాదం జరిగిందని స్థానికులు చెప్తున్నారు. పోలీసులు కేసు నమోదు చేసుకుని దర్యాప్తు చేస్తున్నారు.

ఇవీ చదవండి.. : హైకోర్టులో అచ్చెన్న బెయిల్ పిటిషన్.. వచ్చే వారానికి వాయిదా