తూర్పుగోదావరి జిల్లాలో తాజాగా 5 కొవిడ్‌-19 పాజిటివ్ కేసులు నమోదయ్యాయి. రామచంద్రపురంలో 4, రాజమహేంద్రవరంలో ఒకరికి వైరస్‌ సోకింది. రామచంద్రపురంలో ఈనెల 14న ఓ యువకుడికి వైరస్‌ సోకింది. తాజాగా పాజిటివ్ వచ్చిన నలుగురు మహిళలు అతని కుటుంబ సభ్యులే.
రాజమహేంద్రవరంలో బొమ్మూరు క్వారంటైన్లో ఉన్న పశ్చిమ గోదావరి జిల్లా పాలకొల్లువాసికి కరోనా పాజిటివ్ గా తేలింది. వీరితో కలిపి.. జిల్లాలో మొత్తం కరోనా కేసుల సంఖ్య 57కు చేరింది. వీరిలో 43 మంది కోలుకుని డిశ్చార్జ్‌ అయ్యారు. 14 యాక్టివ్ కేసులు ఉన్నాయి. మంత్రి సుభాష్‌ చంద్రబోస్‌, ఎంపీ అనురాధ రామచంద్రపురంలో పర్యటించారు.