తూర్పు గోదావరి జిల్లా కలెక్టర్ కార్యాలయంలో పని చేస్తున్న ప్రభుత్వ అధికారులకు కరోనా నిర్ధరణ పరీక్షలు నిర్వహించారు. రెవెన్యూ , మున్సిపల్‌తో పాటు ఇతర అత్యవసర విభాగాల్లో విధులు నిర్వహిస్తున్న సిబ్బంది పరీక్షలు చేయించుకున్నారు. కాకినాడ ఎంపీ వంగా గీతతో పాటు నగర ఎమ్మెల్యే ద్వారంపూడి చంద్రశేఖర్‌ రెడ్డి వైరస్‌ నిర్ధరణ పరీక్షలు చేయించుకున్నారు. నిత్యం పలువురు సందర్శకులను కలుస్తున్నందున ముందస్తు చర్యగా ఈ నిర్ణయం అమలు చేసినట్టు జిల్లా కలెక్టర్ మురళీధర్‌ రెడ్డి తెలిపారు. కరోనా నియంత్రణకు శుభ్రత, వ్యక్తిగత దూరం పాటించాలని సూచించారు.
కలెక్టర్ కార్యాలయం సిబ్బందికి కరోనా పరీక్షలు
కరోనా కట్టడికి శ్రమిస్తున్న యంత్రాంగానికి.. కరోనా వైరస్‌ నిర్ధరణ పరీక్షలు నిర్వహించారు. ముందస్తు చర్యల్లో భాగంగా.. తూర్పుగోదావరి జిల్లాలోని వివిధ ప్రభుత్వ కార్యాలయాల్లో పని చేస్తున్న సిబ్బందిని పరీక్షించారు.
corona-tests-for-staff-in-the-collectors-office-at-east-godavari-district