బోటు ప్రమాదంపై సీఎం ఆరా... తక్షణ సహాయక చర్యలకు ఆదేశం

తూర్పుగోదావరి జిల్లా గోదావరి బోటు ప్రమాద ఘటనపై సీఎం జగన్​ అధికారులను ఆరా తీశారు.

గోదావరి బోటు ఘటనపై సీఎం జగన్​ అధికారులను ఆరా తీశారు. తక్షణమే సహాయక చర్యలు చేపట్టాలని ఆదేశించారు. తూర్పుగోదావరి జిల్లా కలెక్టర్​తో సీఎస్​ ఎల్వీ సుబ్రహ్మణ్యం ఫోన్లో మాట్లాడారు. సమగ్ర సమాచారన్ని అందించాలని అధికారులకు సూచించారు. పర్యటక మంత్రి శ్రీనివాస్​ ఘటనాస్థలానికి బయల్దేరి వెళ్లారు. రెండు సహాయక బోట్లను ప్రమాదస్థలికి తరలించారు. రాజమహేంద్రవరం నుంచి హెలికాప్టర్​ బయల్దేరింది. నీటి ఉద్ఢృతి తదితర విషయాలపై ఉన్నతాధికారులు సమీక్షిస్తున్నారు.

దేవీపట్నం మండలం కచ్చులూరు వద్ద బోటు మునిగినట్లు సమాచారం. 62 మంది పర్యటకులతో పాపికొండలకు వెళ్తుండగా ఈ ప్రమాదం జరిగినట్లు తెలుస్తోంది. పర్యటకులు లైఫ్​ జాకెట్లు ధరించినట్లు సమాచారం. 14 మందిని తూటుగుంట గ్రామస్థులు రక్షించి ఒడ్డుకు చేర్చారు. మరో 10 మంది ఒడ్డుకు చేరారు. ఇప్పటివరకు ఒక మృతదేహం లభించింది.

ఇవీ చదవండి...గోదావరిలో పర్యటక బోటు మునక