''ఖైదీల ఆరోగ్యంపై అధికారుల నిర్లక్ష్యం తగదు''

రాజమహేంద్రవరం కేంద్ర కారాగారం అధికారులపై రాష్ట్ర బార్ కౌన్సిల్ సభ్యుడు ముప్పాళ్ల సుబ్బారావు విమర్శలు చేశారు. జైలుకు వచ్చిన తర్వాత 8 మంది ఖైదీలకు వ్యాధి ఉన్నట్టు గుర్తించడంపై... అధికారుల నిర్లక్ష్యం ఉందని ఆరోపించారు.

రాజమహేంద్రవరం కేంద్ర కారాగారంలో ఖైదీలకు హెచ్ఐవీ ఉన్నట్టు ధృవీకరించిన అధికారుల తీరుపై.. బార్ కౌన్సిల్ సభ్యుడు ముప్పాళ్ల సుబ్బారావు మండిపడ్డారు. జైల్లో 27మంది ఖైదీలు హెచ్​ఐవీతో బాధపడుతున్నారని... వారిలో 19మందికి జైలుకు వచ్చేనాటికే వ్యాధి ఉందని అధికారులు ధృవీకరించిన విషయాన్ని ప్రస్తావించారు. 8 మందికి జైలుకు వచ్చిన తర్వాత వ్యాధి సోకినట్టు తేలడంపై మండిపడ్డారు. ఏ ఖైదీ అయినా సెంట్రల్‌ జైలుకి పంపాలంటే వారి ఆరోగ్య సమాచారం పూర్తిగా నమోదు చేసుకోవాలన్నారు. కారాగారంలో ఖైదీల బాగోగులు చూసుకోవాల్సిన బాధ్యత అధికారులదేనని చెప్పారు. ఖైదీల హక్కులు పరిరక్షించాలని కోరారు.

ఇది కూడా చదవండి