భాకరపేట కనుమదారిలో ప్రమాదం.. ఐదుగురికి గాయాలు

తిరుపతి - అనంతపురం జాతీయ రహదారిలోని భాకరాపేట కనుమదారిలో ఆటో - మినీ లారీ ఢీ కొన్నాయి. ఈ ఘటనలో ఐదుగురికి గాయాలయ్యాయి. మినీలారీలో ఉన్న ఇద్దరి పరిస్థితి విషమంగా ఉంది.

చిత్తూరు జిల్లా చంద్రగిరి మండలం తిరుపతి - అనంతపురం జాతీయ రహదారిలో భాకరపేట కనుమదారిలో ఆటో - మినీలారీ ఢీ కొన్నాయి. ఎర్రవారిపాలెం నుంచి టమాటోల లోడుతో తిరుపతికి వెళ్తున్న మినీ లారీ.. తిరుపతి నుంచి రొంపిచర్లకు వెళ్తున్న ఆటో ఢీ కొన్నాయి. ఈ ఘటనలో ఆటోలో ఉన్న ఐదుగురికి గాయాలయ్యాయి. క్షతగాత్రులను తిరుపతి రుయా ఆసుపత్రికి తరలించారు. మినీలారీలో ఉన్న ఇద్దరి పరిస్థితి కూడా విషమంగా ఉన్నట్లు డాక్టర్ తెలిపారు. చంద్రగిరి పోలీసులు కేసు నమోదు చేసి దర్యాప్తు చేపట్టారు.

ఇదీ చదవండి:పాఠశాలల్లో ‘నాడు-నేడు’ పనుల పూర్తిలో జాప్యం