చిత్తూరు జిల్లాలో అక్రమంగా తరలిస్తున్న మద్యాన్ని పోలీసులు స్వాధీనం చేసుకున్నారు. గంగవరం మండలం గండ్రాజుపల్లె సమీపంలో కర్ణాటక నుంచి వస్తున్న రెండు కార్లను తనిఖీ చేశారు. ఆ వాహనాల్లో 730 మద్యం బాటిళ్లు లభ్యమయ్యాయి. వీటి విలువ రూ.6 లక్షలు ఉంటుందని ప్రత్యేక దర్యాప్తు బృందం ఏఎస్పీ రిషాంత్ రెడ్డి తెలిపారు. నిందితులను అరెస్ట్ చేసి వాహనాలను సీజ్ చేశామని చెప్పారు.
పోలీసుల తనిఖీల్లో అక్రమ మద్యం పట్టివేత..
చిత్తూరు జిల్లాలో నిర్వహించిన తనిఖీల్లో అక్రమంగా మద్యం తరలిస్తున్న వారిని పోలీసులు పట్టుకున్నారు. వారి నుంచి మద్యం బాటిళ్లు..వాహనాలను స్వాధీనపరచుకున్నారు.
పోలీసులు స్వాధీనం చేసుకున్న మద్యం బాటిళ్లు