నిందితుడు... పోలీసులు... తిరుమలలో ఛేజింగ్‌...

ప్రశాంతంగా ఉన్న వాతావరణం ఒక్కసారిగా మారిపోయింది. కొంతమంది యువకులు పరుగెత్తడాన్ని చూసిన భక్తుల్లో అలజడి రేగింది. ఎవరి కోసం ఎవరు ఎందుకు వెంటపడుతున్నారో తెలియక అయోమయానికి లోనై బిత్తరపోయారు. చివరకు విషయం తెలుసుకొని ఊపిరి పీల్చుకున్నారు.

ఆధ్యాత్మిక క్షేత్రం తిరుమలలో కొందరు యువకుల పరుగులు భక్తులను బెంబేలెత్తించింది. అరుపులు-కేకలతో ఏం జరుగుతుందో తెలియన భయాందళనకు లోనయ్యారు. కర్ణాటక యువకుడు... ఇటీవలే ఓ వ్యక్తినిహత్య చేశాడు. అతను తప్పించుకొని తిరుమలకు వచ్చేశాడు. ఇది తెలుసుకున్న ఆ రాష్ట్ర పోలీసులు ఆయన్ని మఫ్టీలో వెంబడించారు. వారి కదలికలు గమనించిన ఆ నిందితుడు కాళ్లకు బుద్ధి చెప్పాడు. అతన్ని పట్టుకునేందుకు పోలీసులూ పరుగెత్తారు. ఇది భక్తుల్లో తీవ్ర అలజడికి కారణమైంది. చివరకు నిందితున్ని పట్టుకున్న పోలీసులు... అసలు విషయాన్ని భక్తులకు చెప్పారు.