ప్రజా సంక్షేమం కోసం పోరాడుతూనే ఉంటానని వెల్లడించిన చంద్రబాబు
కుప్పంలో రెండో రోజు పర్యటనలో భాగంగా... ఆర్అండ్బీ అతిథిగృహంలో తెదేపా అధినేత చంద్రబాబు నాయుడు నియోజకవర్గ ప్రజలను కలిశారు. ఉదయం వినతుల స్వీకరణ కార్యక్రమం నిర్వహించిన ఆయన...ప్రజల సమస్యలు అడిగి తెలుసుకున్నారు. తెదేపా ఓటమిపై చంద్రబాబు వద్ద కొంతమంది భావోద్వేగానికి గురయ్యారు. ధైర్యంగా ఉండాలని తెదేపా అధినేత కోరారు. ప్రజా సంక్షేమం కోసం పోరాడుతూనే ఉంటానని స్పష్టం చేశారు. పార్టీ పునః వైభవం కోసం కార్యకర్తలంతా కృషి చేయాలన్నారు. అనంతరం నియోజకవర్గ అధికారులతో ప్రగతి పనులపై సమీక్షా సమావేశం నిర్వహించారు.