ఆయనకు కాలిక్యూలెటర్ అక్కర్లేదు!

తిరుపతికి చెందిన జయప్రకాష్ తన అసమాన ప్రతిభతో లిమ్కా బుక్ ఆఫ్ రికార్డ్స్ కు ప్రయత్నం చేశాడు. ఓ యాభై అంకెల సంఖ్యను తీసుకుని కేవలం 4.15 నిమిషాల్లో 25తో గుణించి సరికొత్త రికార్డును నమోదు చేశారు.

యాభై అంకెల సంఖ్యను మెదడులో గుర్తు పెట్టుకుని కాలిక్యులేటర్ సహాయం లేకుండా 25తో గుణించి కచ్చితమైన సమాధానం చెప్పటం జయప్రకాష్ రెడ్డికి వెన్నతో పెట్టిన విద్య. తిరుపతికి చెందిన జయప్రకాష్ ఈ విద్య ద్వారా లిమ్కా బుక్ ఆఫ్ రికార్డ్స్కు ప్రయత్నం చేశాడు. ఓ ప్రైవేటు పాఠశాలలో జరిగిన ఈ కార్యక్రమంలో జయప్రకాష్.. కంప్యూటర్ ద్వారా రేండమ్గా ఓ యాభై అంకెల సంఖ్యను తీసుకుని కేవలం 4.15 నిమిషాల్లో 25తో గుణించి సరికొత్త రికార్డును నమోదు చేశారు. ఎస్వీ విశ్వవిద్యాలయం విశ్రాంత గణితాచార్యుల సమక్షంలో జరిగిన ఈ కార్యక్రమాన్ని లిమ్కా బుక్ ఆఫ్ రికార్డ్స్కు పంపిస్తున్నట్లు ఆయన తెలిపారు. వేదిక్ మ్యాథ్స్ సూత్రాలు, ఏకాగ్రతతో సంవత్సరం పాటు కృషి చేయటం వలనే ఈ విజయాన్ని సాధించగలిగినట్లు జయప్రకాష్ రెడ్డి తెలిపారు.