అనంతపురం జిల్లా మడకశిర మండలం మెళవాయి గ్రామ శివారులోగల బావిలో అమ్మాయి మృతదేహాన్ని స్థానికులు గుర్తించారు. పోలీసులకు సమాచారం అందించారు. ఘటనా స్థలానికి చేరుకున్న పోలీసులు మృతదేహాన్ని బావిలో నుంచి బయటకు తీయించారు. మృతదేహం అదే గ్రామానికి చెందిన అరుణ అనే మహిళదిగా గుర్తించారు.
పలుమార్లు కడుపునొప్పి అధికంగా ఉందని చెప్పేదని, ఆ బాధ భరించ లేక బావిలో పడి ఆత్మహత్య చేసుకొని ఉంటుందని కుటుంబ సభ్యులు భావించారు. మృతురాలి కుటుంబ సభ్యుల ఫిర్యాదు మేరకు పోలీసులు కేసు నమోదు చేశారు.