ఎదురుతిరిగిన గ్రామస్థులు... కాళ్లకు పని చెప్పిన ఎస్సై

అనంతపురం జిల్లాలోని ఓ గ్రామంలో ఎస్సై అత్యుత్సాహం చూపాడని ఓటర్లు ఎదురు తిరిగారు. గ్రామస్థులు ఆగ్రహం వ్యక్తం చేసినందున ఎస్సై పలాయనం చిత్తగించారు.

అనంతపురం జిల్లా గుంతకల్లు మండలం వెలిగొండ గ్రామంలో ఎస్.ఐ ఓటర్లను కొట్టాడంటూ గ్రామస్థులు ఆందోళనకు దిగారు. గ్రామంలోని 146, 147 పోలింగ్ బూత్ ల వద్దకు వచ్చిన ఎస్ఐ... ఓటర్ల పై లాఠీఛార్జి చేసినట్లు ఆరోపిస్తున్నారు. దీంతో ఒక్కసారిగా అందరూ ఎదురు తిరగడంతో పోలీసులతో వాగ్వాదం చోటు చేసుకుంది. పరిస్థితి అదుపు తప్పుతుండటంతో ఎస్ఐ గ్రామం నుంచి వెళ్లిపోయారు. ఆ తరువాత అధికారులు యధావిధిగా పోలింగ్​ను కొనసాగించారు. ఎస్ఐ తీరుపై గ్రామస్థులు ఆగ్రహం వ్యక్తం చేశారు.