స్నేహితులతో కలిసి ఆడుకుంటూ కొండమీదికి వెళ్లిన ఓ బాలుడు శవమై కనిపించాడు. అనంతపురం జిల్లా కుందుర్పి మండల కేంద్రానికి ఆనుకుని ఉన్న కుందుర్పమ్మ కొండపైకి చిన్నారులు తరచూ ఆడుకోటానికి వెళ్లి వస్తుంటారు. ఈ క్రమంలో గ్రామానికి చెందిన మంజునాథ అనే పదమూడేళ్ల బాలుడు తన మిత్రులతో వెళ్లి తప్పిపోయాడు.
ఈ విషయమై తల్లిదండ్రులు పోలీస్ స్టేషన్లో ఫిర్యాదు చేశారు. వెంటనే పోలీసులు గాలింపు చర్యలు చేపట్టగా.... కొండ ప్రాంతంలోని ఓ నీటి గుంటలో శవమై కనిపించాడు. తల్లిదండ్రులతో పాటు బంధువులు కన్నీటిపర్యంతమయ్యారు. పోలీసులు కేసు నమోదు చేసి దర్యాప్తు చేస్తున్నారు.