అనంతపురం జిల్లా గుత్తిలో దొంగలు బీభత్సం సృష్టించారు. పట్టణంలోని బండ గేరి, కమటం వీధిలో 4 ఇళ్లల్లో తెల్లవారుజామున చోరీకి పాల్పడ్డారు. లక్ష రూపాయల నగదు, ఒక జత చెవి కమ్మలు, బంగారు ఉంగరం, 5 తులాల వెండి ఆభరణాలు దోచుకెళ్లినట్లు బాధితులు తెలిపారు.
స్థానికుల సమాచారం మేరకు పోలీసులు ఘటనా స్థలాన్ని పరిశీలించారు. ఇళ్లల్లో ఎవరూ లేని సమయంలో వచ్చి దొంగతనం చేసినట్లు గుర్తించారు. దీనిపై కేసు నమోదు చేసి దర్యాప్తు చేస్తున్నారు.