లాక్​డౌన్ నిబంధనలు అతిక్రమిస్తే కఠిన చర్యలు: ఎస్పీ

లాక్​డౌన్ నిబంధనలు అతిక్రమించిన వారిపై కఠిన చర్యలు తీసుకుంటామని అనంతపురం జిల్లా ఎస్పీ సత్య ఏసుబాబు హెచ్చరించారు. ప్రజలు అప్రమత్తంగా ఉండి వ్యక్తిగత పరిశుభ్రతను పాటించాలని కోరారు.

అనంతపురం జిల్లాలో కొనసాగుతున్న లాక్​డౌన్​పై జిల్లా ఎస్పీ సత్యఏసుబాబు క్షేత్రస్థాయిలో సమీక్షించారు. గుత్తి మండల శివారులోని జాతీయ రహదారిపై ఉన్న చెక్​పోస్టులను పరిశీలించారు. లాక్​డౌన్ నేపథ్యంలో జిల్లాల సరిహద్దులు మూసేశామని తెలిపారు. అత్యవసరమైతే తప్ప ఎవరిని సరిహద్దులు దాటడానికి అనుమతించమన్నారు. లాక్​డౌన్ అతిక్రమించిన వాహన యజమానులు, దుకాణదారులపై చర్యలు తీసుకుంటామని హెచ్చరించారు. ప్రజలు అప్రమత్తంగా ఉంటూ..వ్యక్తిగత పరిశుభ్రతను పాటించాలని కోరారు.

ఇదీచదవండి