ఆ గ్రామంలో వెండి నాణేలు దొరుకుతున్నాయ్​..!

అసలే కరోనా కాలం. డబ్బుల్లేక ప్రజలు అల్లాడుతున్న వేళ అనంతపురం జిల్లాలోని ఓ గ్రామంలో పాత కాలానికి చెందిన వెండి నాణేలు.. ఓ వ్యక్తికి లభ్యమయ్యాయి. క్షణాల్లోనే సమాచారం ఊరంతా పాకింది. ఈ క్రమంలో గ్రామస్థులు పలుగు, పార చేతపట్టి నాణేల కోసం వేట మొదలుపెట్టారు. దీనిపై అధికారులు విచారిస్తున్నారు.

అనంతపురం జిల్లా బ్రహ్మసముద్రం మండలంలోని గుండిగానిపల్లి గ్రామంలో అరుదైన ఘటన జరిగింది. గ్రామంలో పేదలకు ఇళ్ల స్థలాల పంపిణీ కోసం.. ప్రభుత్వం గ్రామ శివార్లలో భూమిని చదును చేసింది. అయితే ఆ ప్రదేశంలో ఓ వ్యక్తికి వెండి నాణేలు లభ్యమయ్యాయి. ఈ విషయం గ్రామస్థులకు తెలియడం వల్ల అంతా పలుగు, పార తీసుకుని అక్కడ భూమిని తవ్వటం మొదలుపెట్టారు. సమాచారం అందుకున్న గ్రామాధికారి.. అక్కడి స్థలాన్ని పరిశీలిస్తున్నారు.

ఇదీ చదవండి: