Sexual assualt: ఆరేళ్ల బాలికపై అత్యాచారయత్నం

ప్రభుత్వం ఎన్ని చట్టాలు చేసినా మైనర్లు, మహిళలపై అత్యాచారాలు ఆగడం లేదు. నిందితులను కఠినంగా శిక్షిస్తున్న యువకుల్లో మాత్రం ఎటువంటి మార్పు కనిపించడం లేదు. తాజాగా అనంతపురం జిల్లాలో ఆరేళ్ల బాలికపై 21ఏళ్ల యువకుడు అత్యాచారానికి యత్నించాడు. ఈ ఘటనపై పోలీసులు కేసు నమోదు చేశారు.

అనంతపురం జిల్లా గుత్తి మండలంలో.. ఆరేళ్ల బాలికపై 21 ఏళ్ల యువకుడు అత్యాచారానికి యత్నించాడు. ఇంట్లో ఎవరూ లేని సమయంలో.. బాలికను ఇంటి పక్కనే ఉన్న పొలంలోకి తీసుకెళ్లి.. లైంగిక దాడికి యత్నించాడు. అక్కడే ఉన్న చిన్నారులు తల్లిదండ్రులకు తెలపడంతో.. చికిత్స కోసం ప్రభుత్వాసుపత్రికి తరలించారు. చిన్నారిపై దాడి ఆనవాళ్లు ఉన్నాయని.. వైద్యులు నిర్ధరించారు. నిందితుడిపై పోక్సో చట్టం కింద కేసు నమోదు చేసినట్లు.. పోలీసులు తెలిపారు. ఒకటి, రెండు రోజుల్లో నిందితుడిని పట్టుకుంటామన్నారు.

ఇదీ చదవండి:Women Disrimination: రాకెట్ల కాలంలోనూ రాతికాలపు ఆచారాలే