అనంతపురం జిల్లా కనగానపల్లి మండలం మల్లవరం గ్రామంలో విషాదం జరిగింది. జ్వరంతో రోహన్ అనే 7 నెలల బాలుడు మృతి చెందాడు. గ్రామానికి చెందిన చండ్రాయుడు, అనితల కుమారుడు రోహన్కు జ్వరం రావడంతో స్థానికంగా ఓ ఆర్ఎంపీ వైద్యునికి చూపించారు. ఆ వైద్యుడు టానిక్ ఇవ్వడంతో తిరిగి ఇంటికి వెళ్లారు. అయినా బాలునికి జ్వరం తగ్గలేదు.
ఈ క్రమంలో రోహన్ను చికిత్స నిమిత్తం 40 కిలోమీటర్ల దూరంలోని ధర్మవరం ప్రభుత్వాసుపత్రికి తీసుకువచ్చారు. అయితే అప్పటికే బాలుడు మృతి చెందినట్లు అక్కడి వైద్యులు తెలిపారు. తమ బిడ్డ ఇక లేడన్న నిజం తెలుసుకున్న ఆ తల్లిదండ్రులు కన్నీరుమున్నీరుగా విలపించారు. ఈ దృశ్యం అక్కడి వారిని కలిచివేసింది.