లాక్డౌన్ వేళ ఉపాధి కల్పిస్తోన్న ఆర్డీటీ
లాక్డౌన్ సమయంలో పని దొరక్క, డబ్బులు లేక నిరుపేదలు, రోజు కూలీలు పడుతున్న అవస్థలు అన్నీ ఇన్నీ కావు. ఎవరైనా దయార్ద్రులు ఆహరం పంపిణీ చేస్తేనే వారి పొట్ట నిండేది. అయితే దాతృత్వంలోనూ కాస్త భిన్నంగా ఆలోచించింది... అనంతపురం జిల్లాలోని ఆర్డీటీ సంస్థ. గత 25 రోజులుగా జిల్లాలోని పేదల కాలనీల్లో రోజూ 2 పూట్లా ఆహారమందించడమేగాక,.. కరోనా నుంచి రక్షణగా ఆయా ప్రాంతాల్లోని వారికి మాస్కులు పంపిణీ చేస్తోంది. ఇప్పటికే దాదాపు 40వేల మాస్కులను అందజేసింది. జిల్లాలోని బుక్కరాయసముద్రం, కల్యాణదుర్గం, కూడేరు, ఊడేగోళం, బత్తలపల్లిలో మహిళల చేత వీటిని తయారు చేయిస్తోంది.