అనంతపురంలో పేకాట స్థావరాలపై పోలీసుల మెరుపు దాడులు
అనంతపురం జిల్లా విడపనకల్లు మండలం పెంచలపాడు - కర్నూలు జిల్లా గుమ్మనూరు గ్రామాల మధ్యలో పేకాట నిర్వహిస్తున్న స్థావరాలపై ఉరవకొండ, విడపనకల్లు పోలీసులు మెరుపు దాడులు నిర్వహించారు. ఎనిమిది మంది పేకాట ఆడుతున్న వ్యక్తులను అదుపులోకి తీసుకున్నారు. వారి నుంచి 3,07,500 రూపాయలు నగదు, 3 ద్విచక్ర వాహనాలు, 9 సెల్ ఫోన్లు స్వాధీనం చేసుకున్నారు. నిందితులపై కేసు నమోదు చేసి, కోర్టులో హాజరుపరుస్తామని ఉరవకొండ సీఐ వెంకటేశ్వర్లు, ఎస్.ఇ. వెంకటస్వామి తెలిపారు. పేకాట, మట్కా తదితర అసాంఘిక కార్యకలాపాలకు పాల్పడితే చట్టపరమైన చర్యలు తప్పవని హెచ్చరించారు.