నగరం నడిబొడ్డున హత్య.. గొంతు కోసి పరారైన దుండగులు

అనంతపురం జిల్లా హిందూపురంలో వ్యక్తి దారుణ హత్యకు గురయ్యాడు. పోలీసులు కేసు నమోదు చేసుకుని దర్యాప్తు చేపట్టారు. హత్యకు గురైన వ్యక్తి మేలపురానికి చెందిన షఫీ ఉల్లాగా పోలీసులు గుర్తించారు.

హిందూపురం నడిబొడ్డులో వ్యక్తి గొంతు కోసి హత్య చేసిన ఘటన అనంతపురం జిల్లా హిందూపురంలో చోటు చేసుకుంది. ఒకటో పట్టణ పోలీస్ స్టేషన్ పరిధిలో గల సద్భావన కూడలి వద్ద షఫీ ఉల్లా (45) అనే వ్యక్తిని గుర్తుతెలియని దుండగులు గొంతు కోసి హత్య చేశారు.

పోలీసులు కేసు నమోదు చేసుకుని దర్యాప్తు చేపట్టారు. ప్రాథమిక దర్యాప్తులో హత్యకు గురైన వ్యక్తి మేలపురానికి చెందిన షఫీ ఉల్లాగా గుర్తించినట్లు సీఐ తెలిపారు. మృతుడు వ్యసనాలకు బానిసై జులాయిగా తిరిగే వాడని.. హత్యకు గల కారణాలు ఏంటో దర్యాప్తులో తేలాల్సి ఉందని.. సీఐ బాల మద్దిలేటి తెలిపారు.

ఇవీ చూడండి:

రాష్ట్రానికి చేరుకున్న10 మెట్రిక్ టన్నుల ఆక్సిజన్​ ట్యాంకర్