'నాకు తెదేపాలోనే శత్రువులున్నారు..'

పార్టీలోనే తమకు శత్రువులున్నారని తెదేపా మాజీ ఎమ్మెల్యే జేసీ ప్రభాకర్​ రెడ్డి చేసిన వ్యాఖ్యలు సంచలనం రేపాయి. పార్టీలోనే కొందరు సామాజిక మాధ్యమాలల్లో తమపై అసత్య ప్రచారం చేస్తున్నారని ఆయన ఆవేదన వ్యక్తం చేశారు. కార్యకర్తల బాగోగులే తమకు ముఖ్యమని ప్రభాకర్​ రెడ్డి తెలిపారు. అంతర్గత వ్యవహారాలు పక్కనబెట్టి పార్టీ అభివృద్ధి కోసం పనిచేయాలని కార్యకర్తలను కోరారు.

తమకు శత్రువులు తెదేపాలోనే ఉన్నారని ఆ పార్టీ నేత జేసీ ప్రభాకర్​రెడ్డి సంచలన వ్యాఖ్యలు చేశారు. సామాజిక మాధ్యమాల్లో తమపై వ్యతిరేక పోస్టులు చేస్తుంది కూడా వారేనని ఆయన అన్నారు. అయినా కింది స్థాయిలోని కార్యకర్తల బాగోగులే తమకు ముఖ్యమని ప్రభాకర్​రెడ్డి తెలిపారు.

అనంతపురంలో తెదేపా కార్యాలయ ప్రారంభోత్సవంలో పాల్గొన్న ఆయన.. కార్యకర్తలు లేకుండా ఏ పార్టీ అయినా ఉనికిని కోల్పోతుందని అన్నారు. పార్టీ కార్యాలయం ప్రారంభించడం కాదని.. వివిధ సమస్యలతో వచ్చే ప్రజలకు సమాధానం చెప్పేలా ఉండాలని జేసీ పవన్​కు సూచించారు. పేదలకు సాయం చేసే వ్యవస్థను నెలకొల్పేలా పని చేయాలని నాయకులకు, కార్యకర్తలకు చెప్పారు. అంతర్గత వ్యవహారాలు పక్కనబెట్టి పార్టీ అభివృద్ధి కోసం పనిచేయాలని కార్యకర్తలను ఆయన కోరారు.

ఇదీ చదవండి:హిందూపురం వైకాపాలో తారాస్థాయికి వర్గ విభేదాలు