పిడుగుపాటుతో ఇద్దరు రైతులు మృతి

పిడుగుపాటుతో ఇద్దరు రైతులతోపాటు ఆవు మృతి చెందిన ఘటన అనంతపురం జిల్లా విడపనకల్లు మండలంలో చోటుచేసుకుంది. ఈ ఘటనతో వారి కుటుంబాలల్లో విషాదం నెలకొంది.

అనంతపురం జిల్లా విడపకనల్లు మండలంలోని పక్కపక్క గ్రామాల్లో పిడుగుపాటుకు ఇద్దరు రైతులతో పాటు ఒక ఆవు మృతి చెందింది. విడపకనల్లు మండలంలోని రెండు కిలోమీటర్ల దూరంలో ఈ సంఘటనలు జరిగాయి. ఉండబండ గ్రామ సమీపంలో సాయంత్రం గాలి, ఉరుములు, మెరుపులతో వర్షం కురిసింది. ఈ సమయంలో పొలంలో ఉన్న ప్రకాష్ అనే రైతు పిడుగుపాటుకు అక్కడికక్కడే మృతి చెందాడు.

పాల్తూరు గ్రామంలో గౌరీష్ అనే రైతు తన పొలంలో పనులు చేస్తుండగా వర్షం కురిసింది. అతను పక్కనే ఉన్న చెట్టు కిందకు వెళ్లాడు. ఈ సమయంలో పిడుగు పడటంతో రైతుతో పాటు అక్కడే ఉన్న ఆవు మృతి చెందింది.ఈ సంఘటనతో రెండు గ్రామాల్లో విషాధ ఛాయలు అలుముకున్నాయి.