కారును ఢీకొట్టిన డీసీఎం.. అదుపు తప్పి బోల్తా

వేగ నిరోధకాల వద్ద వెనక నుంచి కారును ఢీకొట్టి.. ప్రమాదవశాత్తు ఓ డీసీఎం అదుపు తప్పి బోల్తా పడింది. ఈ ఘటన అనంతపురం జిల్లా పెనుకొండ మండలంలోని దుద్దేబండ కూడలి వద్ద జరిగింది. రోడ్డుపై డీసీఎం బోల్తా పడటంతో కొంతమేర ట్రాఫిక్​కు అంతరాయం ఏర్పడింది. ఈ ప్రమాదంలో కారు స్వల్పంగా దెబ్బతినగా.. ఎవరికీ అపాయం జరగలేదు.

అనంతపురం జిల్లా పెనుకొండ మండలంలోని దుద్దేబండ కూడలి వద్ద పెను ప్రమాదం తప్పింది. 44వ జాతీయ రహదారిపై వేగ నిరోధకాల వద్ద ముందు వెళుతున్న కారును వెనకనుంచి డీసీఎం వాహనం ఢీకొని ప్రమాదవశాత్తు బోల్తా పడింది. ఈ ఘటనలో ఎవరికి ఎలాంటి అపాయం జరగలేదు. మంగళవారం రాత్రి 8 గంటల 30 నిమిషాల సమయంలో మైసూరు నుంచి హైదరాబాద్​కు కొబ్బరి బొండాల లోడుతో వెళ్తున్న డీసీఎం వాహనం అదుపుతప్పి ముందు వెళుతున్న కారును ఢీకొట్టింది.

రోడ్డుపై డీసీఎం బోల్తా పడటంతో కొంతమేర ట్రాఫిక్​కు అంతరాయం ఏర్పడింది. విషయం తెలుసుకున్న కియా ఇండస్ట్రియల్ ఏరియా పోలీస్ స్టేషన్ ఎస్సై సతీష్ కుమార్ సిబ్బందితో కలసి ఘటనాస్థలికి చేరుకొని సహాయక చర్యలు చేపట్టారు. కారులో ప్రయాణిస్తున్న ధర్మవరం వాసులకు ఎలాంటి అపాయం లేదు. కారు స్వల్పంగా దెబ్బతింది. ఈ ఘటనపై బాధితుల ఫిర్యాదు మేరకు కేసు నమోదు చేసి దర్యాప్తు చేస్తామని ఎస్సై పేర్కొన్నారు.

ఇదీ చదవండి: