వైభవంగా శ్రీ దశభుజ గణపతి వేడుకలు
అనంతపురం జిల్లా రాయదుర్గం పట్టణంలో ప్రసిద్ధి చెందిన శ్రీ దశభుజ గణపతి ఆలయంలో వినాయక చవితికి ప్రత్యేక పూజలు నిర్వహించారు. స్వామివారికి గంగపూజ, పంచామృతాభిషేకం, క్షీరాభిషేకం, గరిక, వివిధ పుష్పాలతో ప్రత్యేకంగా అలంకరించి.. మంగళహారతి పూజా కార్యక్రమాలు చేశారు. భక్తులు తమ కోర్కెలు తీర్చుకోవడానికి పండ్లు, కొబ్బరికాయలు సమర్పించారు. ఆలయంలో ధర్మకర్తల మండలి సభ్యులు భక్తులకు తీర్థ ప్రసాదాలు అందజేశారు. రాయదుర్గం ఎమ్మెల్యే శ్రీ దశభుజ గణపతిని దర్శించుకుని మొక్కులు తీర్చుకున్నారు. స్థానిక భక్తులతోపాటు ఆంధ్ర కర్ణాటక నుంచి భారీ సంఖ్యలో భక్తులు తరలివచ్చి స్వామివారిని దర్శించుకున్నారు.