గుత్తి కొండగుట్టల్లో నాటుసారా స్థావరాలపై దాడులు

అనంతపురం జిల్లా గుత్తి మండలం జక్కలచెరువు గ్రామ సమీపంలోని కొండ గుట్టల్లో నాటు సారా స్థావరాలపై పోలీసులు దాడులు చేశారు.

అనంతపురం జిల్లాలో ఎస్పీ ఆదేశాల దాడులు నిర్వహిస్తున్నట్లు గుత్తి సీఐ రాజశేఖర్​రెడ్డి తెలిపారు. అందులో భాగంగానే గుత్తి మండలం జక్కలచెరువు గ్రామ సమీపంలోని కొండ గుట్టల్లో సారా తయారు చేస్తున్నారన్న పక్కా సమాచారంతో తనిఖీలు చేశామన్నారు. ఈ సోదాల్లో సుమారు 2000 లీటర్ల నాటుసారా బెల్లం ఊటను ధ్వంసం చేసినట్లు వివరించారు. 20 లీటర్ల నాటు సారాను స్వాధీనం చేసుకున్నారు. ఎవరైనా సారా అక్రమంగా నిలువ ఉంచినా, తయారు చేసినా, అమ్మినా వారిపై కఠిన చర్యలు తీసుకుంటామని హెచ్చరించారు. ఈ ఘటనపై పోలీసులు కేసు నమోదు చేసుకుని దర్యాప్తు చేస్తున్నారు.

ఇదీ చదవండి: చిరుత మృతి.. దర్యాప్తు చేస్తున్న అధికారులు