accident: ద్విచక్రవాహనాన్ని ఢీకొట్టిన లారీ.. మహిళ మృతి

అనంతరపురం జిల్లా కొల్లాపూరమ్మ గుడి సమీపంలో రోడ్డు ప్రమాదం జరిగింది. ద్విచక్రవాహనాన్ని లారీ ఢీకొట్టిన ఘటనలో తీవ్రంగా గాయపడ్డ ఓ మహిళ.. ఆస్పత్రిలో మృతిచెందారు.

అనంతరపురం జిల్లా కల్యాణదుర్గం సమీపంలోని కొల్లాపూరమ్మ గుడి వద్ద జరిగిన రోడ్డు ప్రమాదంలో తీవ్రంగా గాయపడ్డ మహిళ.. ఆస్పత్రిలో చికిత్స పొందతూ మృతిచెందారు. కంబదూరు మండలం వేంకటంపల్లికి చెందిన బొజ్జమ్మ..భర్తతో కలిసి బైకుపై కల్యాణదుర్గం నుంచి స్వగ్రామం వెళ్తున్నారు. ఈ క్రమంలో కొల్లాపూరమ్మ గుడి సమీపంలో వాళ్ల ప్రయాణిస్తున్న బైకును లారీ ఢీకొట్టింది. ప్రమాదంలో గాయపడ్డ ఇద్దరిని వెంటనే కల్యాణదుర్గం ప్రభుత్వాసుపత్రికి తరలించారు. బొజ్జమ్మ పరిస్థితి విషమంగా ఉండటంతో మెరుగైన వైద్యం కోసం అనంతపురం ఆసుపత్రికి తరలింగా.. చికిత్స పొందుతూ మృతిచెందింది. ఈ ఘటనపై పోలీసులు కేసు నమోదు చేసి విచారిస్తున్నారు.

ఇదీ చదవండి..