అనంతపురం జిల్లా రాయదుర్గం నియోజకవర్గంలోని బొమ్మనహల్ మండల కేంద్రంలోని హెచ్ఎల్సీ కాలనీలో కలుషిత ఆహారం తినడం వల్ల చిన్నారులు అస్వస్థతకు గురయ్యారు. ఈ ఘటనలో 15 మందికి వాంతులు, విరేచనాలు అయ్యాయి. వారిని చికిత్స నిమిత్తం బళ్లారిలోని ఓ ప్రైవేటు ఆసుపత్రికి తరలించారు.
బొమ్మనహల్ ప్రభుత్వ ప్రాథమిక వైద్యశాలలో సరైన మందులు, వైద్యం అందక తీవ్ర ఇబ్బందులు పడుతున్నట్లు స్థానిక ప్రజలు ఆందోళన వ్యక్తం చేశారు. అత్యవసర చికిత్స కోసం ఆర్ఎంపీ వైద్యులపై ఆధారపడినట్లు వాపోయారు. ప్రస్తుతం పిల్లల ఆరోగ్య పరిస్థితి ఆందోళనకరంగా ఉన్నట్లు తల్లిదండ్రులు చెబుతున్నారు.