బయోపిక్​కు సానియా సై

హైదరాబాద్​తో అనుబంధం, టెన్నిస్​ ప్రస్థానం, షోయబ్​ మాలిక్​తో వివాహం... ఇలా సానియా జీవితంలోని కీలక ఘట్టాల సమాహారం త్వరలో చిత్రరూపంలో మన ముందుకు రానుంది.

ప్రముఖ టెన్నిస్ క్రీడాకారిణి సానియా మీర్జా తన బయోపిక్​పై స్పందించింది. బాలీవుడ్ దర్శకుడు రోనీ స్క్రూనీవాలా దర్శకత్వంలో తన జీవితం తెరకెక్కుతుందని వెల్లడించింది. ఇప్పటికే సినిమా పనులు మొదలయ్యాయని తెలిపింది.

గ్రాండ్ స్లాం(డబుల్స్) గెలిచిన ఏకైక భారతీయ టెన్నిస్ ప్లేయర్​గా గుర్తింపు పొందిన సానియా.. తన బయోపిక్ గురించి ఎదురుచూస్తున్నట్లు చెప్పింది. దర్శకుడితో పాటు తారాగణానికి సంబంధించిన విషయాలు త్వరలోనే వెల్లడిస్తామని పేర్కొంది.
క్రీడాకారుల జీవితాలపై వచ్చిన చిత్రాలు మంచి ఆదరణ పొందాయి. మేరీ కోమ్, దంగల్, బాగ్ మిల్కా బాగ్, ధోనీ చిత్రాలు ఘనవిజయం సాధించిన సంగతి తెలిసిందే. ఇప్పుడు సానియా బయోపిక్ ఎలా ఉంటుందన్న ఆసక్తి నెలకొంది.