ACCIDENT IN NELLORE : నెల్లూరులోని ముత్తుకూరు రోడ్డులో వేగంగా వెళ్తున్న వ్యాన్ అదుపుతప్పి.. డివైడర్ను ఢీకొని బోల్తా కొట్టింది. ఈ ప్రమాదంలో నలుగురికి తీవ్ర గాయాలుకాగా.. ఒకరి పరిస్థితి విషమంగా ఉంది. ఈపూరు వెంకన్నపాళెం వద్ద విధులు నిర్వహిస్తున్న ఉపాధ్యాయులు.. వ్యాన్‌లో ఉదయం పాఠశాలకు వెళ్తుండగా అదుపు తప్పి డివైడర్ను ఢీకొని బోల్తా కొట్టింది. ఈ ప్రమాదంలో ఎదురుగా వస్తున్న ద్విచక్ర వాహనం తునాతునకలైంది. ఈ ప్రమాదంలో ఇద్దరు ఉపాధ్యాయులతోపాటు, బైక్‌పై వెళ్తున్న ఇద్దరు తీవ్రంగా గాయపడ్డారు. క్షతగాత్రులను చికిత్స నిమిత్తం ఆస్పత్రికి తరలించారు. ప్రమాద దృశ్యాలు సీసీ కెమెరాలో నమోదయ్యాయి.
నెల్లూరులో వ్యాన్ బోల్తా.. నలుగురికి గాయాలు