మీడియాతో మంత్రి బొత్స సత్యనారాయణ
విశాఖ దుర్ఘటనకు నూటికి నూరు శాతం ఎల్జీ పాలిమర్స్ సంస్థ వైఫల్యమే కారణమని మంత్రి బొత్స సత్యనారాయణ అన్నారు. అయితే ఘటన ఎలా జరిగిందో తెలుసుకునేందుకే కమిటీలు వేశామని అన్నారు. అంతేకానీ ఇది ప్రమాదవశాత్తు జరిగింది అని చెప్పి సంస్థ చేతులు దులుపుకుంటే ఒప్పుకునేది లేదని స్పష్టం చేశారు. అలాగే బాధితులకు పరిహారాన్ని సంస్థ ముక్కుపిండి వసూలు చేస్తామని స్ఫష్టం చేశారు. మరోవైపు బాధితులకు కోటి పరిహారం ఇవ్వడాన్ని జీర్ణించుకోలేకే చంద్రబాబు విమర్శలు చేస్తున్నారని బొత్స మండిపడ్డారు.