విజయవాడ-హైదరాబాద్ హైవేపై స్వల్ప ఉద్రిక్తత

ముఖ్యమంత్రి జగన్ రాష్ట్రంలో లాక్‌డౌన్‌ చేయాలని నిర్ణయించగా అంతర్రాష్ట్ర సరిహద్దులను అధికారులు మూసివేశారు. విజయవాడ-హైదరాబాద్​ జాతీయ రహదారిని మూసివేయగా 3 కిలోమీటర్ల మేర వాహనాలు నిలిచిపోయాయి. పోలీసులతో వాహనదారులు వాగ్వాదానికి దిగారు.

విజయవాడ-హైదరాబాద్ జాతీయ రహదారిపై వాహనాలకు అనుమతి లేదంటూ పోలీసుల వాహనదారులకు సూచించారు. స్వల్ప ఉద్రిక్తత జరిగింది. కంచికర్ల-దొనకొండ చెక్​పోస్ట్ వద్ద వాహనాలను పోలీసులు నిలిపివేశారు. సుమారు మూడు కిలోమీటర్ల మేర ట్రాఫిక్ నిలిచిపోయింది. హైదరాబాద్ వరకు అనేక చెక్​పోస్ట్​లు ఏర్పాటయ్యాయని... వెళ్లటం కుదరదని వాహనదారులకు పోలీసులు చెప్పారు. ఎట్టి పరిస్థితుల్లో తాము వెళ్లాలని వాహనదారులు వాగ్వాదానికి దిగారు. పరిస్థితి అదుపు తప్పకుండా పోలీసులు కొన్ని వాహనాలను పంపారు.

ఇదీ చదవండి:రాష్ట్రంలో ఆరుకు చేరిన కరోనా పాజిటివ్ కేసులు