'ఉల్లి ధరలపై ప్రభుత్వానికి చిత్తశుద్ధి లేదు'

ఉల్లి ధరలపై ప్రభుత్వానికి చిత్తశుద్ధి లేదని తెదేపా నేతలు విమర్శించారు. ఉల్లిపాయల కోసం ప్రజలు ఇలా బారులు తీరడం గతంలో ఎన్నడూ లేదన్నారు.

గతంలో ఎప్పుడూ లేని విధంగా ఉల్లిపాయల కొరత ఉందని తెదేపా నేతలు అన్నారు. ఉల్లి ధరలను ప్రభుత్వం గాలికొదిలేసిందని విమర్శించారు. ఎమ్మెల్యే గద్దె రామ్మోహన్​రావు, ఎమ్మెల్సీ అశోక్​బాబులు పటమట రైతుబజార్​ని సందర్శించారు. కృష్ణాజిల్లాలో 25 లక్షల కుటుంబాలు ఉంటే 2 లక్షల కిలోలు మాత్రమే అందిస్తున్నారన్నారు. ఒక్కో కుటుంబానికి నెలకి 1 కేజీ మాత్రమే వస్తుందని.. ఈ అంశాన్ని అసెంబ్లీలో చర్చిస్తామని తెలిపారు. ప్రజల కష్టాలు తీర్చాలనే చిత్తశుద్ధి లేకుండా.. ప్రభుత్వం నామమాత్రంగా చర్యలు తీసుకుంటోందని ధ్వజమెత్తారు. కిలో ఉల్లిపాయల కోసం ప్రజలు బారులు తీరడం గతంలో ఎన్నడూ లేదన్నారు. క్యూ లైన్​లో ఉన్న వారికి 5 కేజీలు ఇవ్వాలని డిమాండ్ చేశారు.

ఇవీ చదవండి..