- ‘మహాయోధుల త్యాగాల’తో అనటానికి బదులు ‘మహానుయోధుల త్యాగాలతో’ అని అన్నారు. ‘స్వాతంత్య్ర వజ్రోత్సవాలు’కు బదులు ‘స్వాతంత్య్ర వజ్జోత్సవాలు’ అని చదివారు. ‘ఆర్థిక స్వావలంబనకు చేయూత ఇస్తున్నాం’ బదులు ‘ఆర్థిక స్వాలంబనకు చేయూత ఇస్తున్నాం’ అని వ్యాఖ్యానించారు.
- ‘సుస్థిరాభివృద్ధి లక్ష్యాలు’ అని అనాల్సిన చోట ‘సుస్థిరాభివృద్ధి లక్షణాలు’ అని అన్నారు. ఇవి మాత్రమే కాదు.. ‘ఉటంకించారు’ అనే పదాన్ని ‘ఉటకించారు’ అని, ‘స్వేదం’ అనే పదాన్ని ‘స్వేద్వం’ అని.. ‘విప్లవాత్మక’ అనే పదాన్ని ‘విప్లవాత్మిక’ అని పలికారు.
- అభ్యుదయాన్ని ‘అభ్యుద్వయం’గా చదివారు. నియామకం అని అనాల్సిన చోట తొలుత ‘నియాకం’ అని పేర్కొని మళ్లీ సరిదిద్దుకుని ‘నియామకం’ అని చదివారు. ‘సామాజిక అభద్రత’ అనడానికి బదులుగా ‘సామాజిక అభ్ర’ అని చదివి.. తర్వాత సరిదిద్దుకున్నారు.
- ‘ప్రతి పథకం’ అనేదాన్ని ‘ప్రతి ప్రతకం’ అని చదివారు. ‘ధర్మాల సమ్మేళనం’ అని అనాల్సిన చోట ‘ధర్మేలా సమ్మేళన’ అని పలికారు.
- ‘ఆర్థికంగా’ అని అనాల్సిన చోట ‘హార్థికంగా’ అని అన్నారు. ‘గోధుమ’ను ‘గోదము’ అని అన్నారు. ‘చదవక తప్పని పరిస్థితి’ అని అనాల్సిన చోట తడబడి ‘చదవ’ అని ఆపి మళ్లీ సరిదిద్దుకుని ‘చదవక తప్పని పరిస్థితి’ అని అన్నారు.
- ‘ఆవిర్భవించాలి’ అనే పదాన్ని ‘ఆవిర్భించాలి’ అని చదివారు. ‘కార్పొరేట్‌ విద్యాసంస్థలు’ అనే పదాన్ని ‘కార్పొరేట్‌ విద్య సంస్థలు’గా పలికారు. ఇలా జగన్‌మోహన్‌రెడ్డి ప్రసంగం ఆద్యంతం తడబాట్లుతోనే కొనసాగింది.
అంతా ‘జగనన్న’ నామస్మరణ
- స్వాతంత్య్ర దినోత్సవాల్లో అంతా ‘జగనన్న’ నామస్మరణే జరిగింది. వివిధ ప్రభుత్వ శాఖలకు సంబంధించి శకటాల ప్రదర్శన సందర్భంలో జరిగిన నేపథ్య వ్యాఖ్యానమంతా పదేపదే ‘జగనన్న ప్రభుత్వం’ అనే పదంతోనే కొనసాగింది.
- ‘మనుషులకే కాదు... పశువుల ఆరోగ్యానికి సైతం భద్రత, భరోసా కల్పిస్తోంది. మంచి మనసున్న మన జగనన్న ప్రభుత్వం’ అంటూ పశు సంవర్ధక శాఖ శకటం వచ్చిన సందర్భంగా వ్యాఖ్యానించారు.
- ‘అమ్మఒడి నుంచి ప్రభుత్వ బడి దాకా... వినూత్న విద్యా పథకాలు.. బడిపిల్లలకు వరాలు... జగనన్న ప్రభుత్వం అమలు చేస్తున్న పలు వినూత్న పథకాలు... బడి ఈడు పిల్లలకు వరాలుగా మారాయి’ అని విద్యాశాఖ శకటం వచ్చిన సందర్భంగా ప్రస్తావించారు.
ఇవీ చూడండి