సస్పెండ్ అయిన ఏఎస్ఐ కె. బి. రాజేంద్రన్

ఏఎస్ఐ కె. బి. రాజేంద్రన్ సస్పెండ్ అయ్యారు. కొంత కాలంగా ఆయన​ ఎదుర్కొంటున్న అవినీతి ఆరోపణలు నిజమని తేలంది. ఈ కారణగా సస్పెండ్ చేస్తున్నట్లు అనంతపురం రేంజ్ డీఐజీ కాంతిరాణా పేర్కొన్నారు.

చిత్తూరు ఒకటో పట్టణ పోలీసు స్టేషన్ లో ఏఎస్ఐగా పనిచేస్తున్న కె. బి. రాజేంద్రన్ ను సస్పెండ్ చేస్తూ అనంతపురం రేంజ్ డీఐజీ కాంతిరాణా టాటా ఉత్తర్వు జారీ చేశారు. ఏఎస్ఐగా పనిచేస్తున్న రాజేంద్రన్ పై కొంత కాలంగా అనేక ఆరోపణలు వచ్చాయి. విచారణ పేరుతో స్టేషన్​కు తీసుకు వచ్చే అనుమానితుల వద్ద నుంచి నగదు డిమాండ్ చేయడం, బెదిరించడం, ఫిర్యాదుదారుల పట్ల దురుసుగా ప్రవర్తించడం... ఆరోపణలు ఉన్నాయి .

అలాగే దొంగతనం కేసులో అరెస్ట్ అయిన ఓ నిందితుడికి సంబంధించిన చరవాణి ద్వారా ... ఏకంగా జిల్లా ఎస్పీతో పాటు, మరో డీఎస్పీకి ఫోన్ చేసి పోలీసు శాఖకు సంబంధించిన పలు అంతర్గత విషయాలపై ఆరోపణలు చేశాడు. ఇలా పలు మార్లు చేయడంతో జిల్లా ఎస్పీ సెంథిల్ కుమార్ ఈ విషయంపై టూటౌన్ సీఐ యుగంధర్ను..విచారణ అధికారిగా నియమించారు. విచారణలో రాజేంద్రన్ పలు అవినీతికి చర్యలకు పాల్పడినట్లు తేలింది .

దీంతో ఎస్పీ రాజేంద్రన్ కు సంబంధించిన విచారణ నివేదికను డీఐజీకి అందజేశారు. ఈ కారణంగా క్రమశిక్షణా చర్యల్లో భాగంగా ఏఎస్ఐ రాజేంద్రన్ ను సస్పెండ్ చేస్తున్నట్లు డీఐజీ ప్రకటించారు.

ఇదీ చదవండీ...ఆ దాడి వెనుక ప్రభుత్వ హస్తం ఉంది: నారాయణ