కేసులు పెరగటంతో అధికారులు అప్రమత్తం

నెల్లూరు జిల్లా నాయుడుపేటలో కరోనా కేసులు పెరగుతుండటంతో అధికారులు అప్రమత్తయ్యారు. చెన్నై కోయంబేడు మార్కెట్ ద్వారానే కేసులు సంఖ్య పెరగటంతో మార్కెట్​కు వెళ్లి వచ్చిన వారందరినీ పోలీసులు క్వారంటైన్​కు తరలించారు.

నెల్లూరు జిల్లా నాయుడుపేట పురపాలక సంఘం పరిధిలో పోలీసులు లాక్ డౌన్​ను కఠినంగా అమలు చేస్తున్నారు. చెన్నై కోయంబేడు మార్కెట్ ద్వారానే సూళ్లూరుపేటలో పాజిటివ్ కేసులు పెరుగుతున్న తరుణంలో ఇక్కడి పోలీసు అధికారులు అప్రమత్తం అయ్యారు. ఉదయం 6 గంటల నుంచి 9గంటల వరకు ప్రజలు నిత్యావసర వస్తువులు కొనుగోలు చేసేలా వెసులుబాటు కల్పిస్తున్నారు. తర్వాత దుకాణాలు తెరవకుండా కఠినంగా వ్యవహరిస్తున్నారు. నాయుడుపేట క్వారంటైన్ సెంటర్ నుంచి ఈరోజు ముగ్గురిని నెల్లూరు తరలించారు. చెన్నై కోయంబేడు మార్కెట్​కు రాకపోకలు సాగించే వారిని క్వారంటైన్​కు తరలించారు.

ఇదీ చూడండిఈ నెల 30న రైతు భరోసా కేంద్రాలు ప్రారంభం'