రైతు బీమా ప్రీమియంపై రాత్రికి రాత్రే జీవోనా?: అచ్చెన్నాయుడు

రైతు బీమా ప్రీమియం చెల్లించినట్లు జీవో విడుదల చేయటంపై వైకాపా ప్రభుత్వం సమాధానం చెప్పాలని తెదేపా రాష్ట్ర అధ్యక్షుడు అచ్చెన్నాయుడు డిమాండ్ చేశారు. పంట నష్టపోయాక, రైతులు మరణించాక పరిహారం చెల్లిస్తే లాభమేంటని ప్రశ్నించారు.

రైతు బీమా ప్రీమియం చెల్లించినట్లు రాత్రికిరాత్రే జీవో విడుదల చేయటంపై ప్రభుత్వం సమాధానం చెప్పాలని తెలుగుదేశం రాష్ట్ర అధ్యక్షుడు అచ్చెన్నాయుడు డిమాండ్‌ చేశారు. ఇప్పుడు ప్రీమియం చెల్లిస్తే లాభమేంటని నిలదీశారు. రైతులు మరణించాక ఇన్సూరెన్స్​ చేస్తే లాభం ఉంటుందా అని ప్రశ్నించారు. ప్రతిపక్షనేతలపై అధికార పార్టీ నేతలు అగౌరవ వ్యాఖ్యలు చేస్తున్నారని మండిపడ్డారు. మంత్రులు గౌరవంగా మాట్లాడకపోతే తామూ అదే భాషలో సమాధానం చెబుతామని హెచ్చరించారు.

ఇదీ చదవండి:ఓటు హక్కు వినియోగించుకున్న ప్రముఖులు