నడవలేని స్థితిలో ఉన్న తల్లిని ఆస్పత్రిలో చూపిస్తానని చెప్పి ఒంటరిగా వదిలేశారు. సమాచారం తెలుసుకున్న తెలంగాణ రాష్ట్రంలోని భువనగిరి పోలీసులు ఆ వృద్ధురాలికి చికిత్స అందించారు. ఇదే విషయమై ఈనాడు-ఈటీవీ భారత్లో కథనం ప్రచురింతమైంది. కథనానికి స్పందించిన ఆమె మనవళ్లు వృద్ధురాలిని తీసుకెళ్లేందుకు సోమవారం సాయంత్రం భువనగిరి పోలీస్ స్టేషన్కి వచ్చారు.
పోలీసులు, జిల్లా మహిళా శిశు, వయోవృద్ధుల శాఖ ఉద్యోగులు, అమ్మఒడి ఆశ్రమ నిర్వాహకులు వృద్ధురాలి కుటుంబ సభ్యులతో మాట్లాడారు. ఆమెను వారి మనవళ్లకు అప్పగించారు. ఆమెను బాగానే చూసుకున్నామని మనుమడు నగేశ్ చెప్పాడు. వృద్ధురాలు చెప్పినట్లు రూ.40 వేలు తాము తీసుకోలేదన్నారు.