శోభానాయుడు మృతి పట్ల తెలుగుదేశం అధినేత చంద్రబాబు దిగ్భ్రాంతి వ్యక్తం చేశారు. తన నాట్యప్రతిభతో దేశ విదేశాల్లో భారతీయ కళల కీర్తిప్రతిష్టలను శోభానాయుడు పెంచారని కొనియాడారు. అంతర్జాతీయంగా కూచిపూడి నాట్యానికి పేరుప్రతిష్టలు ఇనుమడింప చేశారన్నారు. ఆమె సాధించిన అవార్డులు, రివార్డులే శోభానాయుడు కళా ప్రతిభకు తార్కాణాలుగా పేర్కొన్నారు.
శోభానాయుడు మృతితో తెలుగు కళామతల్లి ముద్దుబిడ్డను కోల్పోయిందన్నారు. ఆమె కుటుంబ సభ్యులకు, అభిమానులకు చంద్రబాబు సంతాపం తెలియజేశారు.