రాజధానిపై త్వరలోనే నిపుణుల కమిటీ నివేదిక..!

రాజధానిపై త్వరలోనే స్పష్టత వచ్చే అవకాశం ఉన్నట్లు తెలుస్తోంది. ఈ అంశంపై అధ్యయనానికి రాష్ట్ర ప్రభుత్వం ఏర్పాటు చేసిన నిపుణుల కమిటీ నివేదికను త్వరలోనే సమర్పిస్తామని సీఎం జగన్​కు తెలిపింది.

రాష్ట్ర సమగ్రాభివృద్ధి కోసం తీసుకోవాల్సిన చర్యలు, రాజధాని అంశాలపై... ప్రభుత్వం నియమించిన అధ్యయన కమిటీ ముఖ్యమంత్రి వైఎస్ జగన్​తో సమావేశమైంది. తాడేపల్లిలోని క్యాంపు కార్యాలయంలో కమిటీ కన్వీనర్ జీఎన్ రావు, కార్యదర్శి విజయ్ మోహన్ సహా... సభ్యులు డాక్టర్‌ అంజలిమోహన్, కె.టి.రవీంద్రన్, డాక్టర్‌ మహావీర్, డాక్టర్‌ సుబ్బారావు... సీఎం జగన్​ను కలిశారు.

రాష్ట్రవ్యాప్తంగా ఇప్పటివరకూ తాము సందర్శించిన ప్రాంతాలు, అధ్యయనం చేసిన అంశాలను కమిటీ సభ్యులు సీఎంకు వివరించారు. తాము అధ్యయనం చేసిన అంశాలను, తీసుకోవాల్సిన చర్యలకు సంబంధించి నివేదికను త్వరలోనే సమర్పిస్తామని జీఎన్ రావు కమిటీ సభ్యులు ముఖ్యమంత్రికి తెలిపారు.

సంబంధిత కథనాలు