సాఫ్ట్​వేర్ ఇంజినీర్ మృతి.. ఒంటిపై కత్తిగాట్లు

హైదరాబాద్​లో ఓ యువకుడు అనుమానాస్పదంగా మృతి చెందాడు. సీసీ కెమెరాల్లో బిల్డింగ్​పై నుంచి కింద పడ్డట్టు దృశ్యాలు నిక్షిప్తమయ్యాయి. కానీ ఒంటిపైనున్న కత్తిగాట్లు పలు అనుమానాలకు తావిస్తున్నాయి

హైదరాబాద్​ జూబ్లీహిల్స్​లో శివనాగరాజు అనే సాఫ్ట్​వేర్ ఇంజినీర్ అనుమానస్పద స్థితిలో మృతి చెందాడు. తెల్లవారు జామున 3గంటలకు ఆఫీస్ బిల్డింగ్​ పైనుంచి కిందపడ్డట్టు సీసీ కెమెరాల్లో దృశ్యాలు నిక్షిప్తమయ్యాయి. కానీ అతని ఒంటిపైనున్న కత్తిగాట్లు పలు అనుమానాలకు దారితీస్తున్నాయి.

శివనాగరాజు పని చేస్తున్న కార్యాలయం లోపల నిన్న రాత్రి 8 గంటల నుంచి సీసీ కెమెరాలు ఆపేశారు. ఎవరు, ఎందుకు ఆపేశారనే కోణంలో దర్యాప్తు చేస్తున్నట్లు పశ్చిమ జోన్ డీసీపీ ఏఆర్ శ్రీనివాస్​ తెలిపారు. ఆఫీస్​ మేనేజర్, సిబ్బందిని పూర్తిగా విచారించిన తర్వాత ఏం జరిగిందనేది వెల్లడిస్తామన్నారు.