కోడ్ ముగిసినా... ముసుగులు తొలగవా?

సార్వత్రిక ఎన్నికల నియమావళి ముగిసినా...అధికారుల మాత్రం నిద్రావస్థలోనే ఉన్నారు. కోడ్ ముగియగానే రాజకీయ పార్టీల నేతల విగ్రహాల ముసుగులు తొలిగించిన అధికారులు...జాతీయ నేతల విగ్రహాల విషయంలో నిర్లక్ష్యం వహిస్తున్నారు.

సార్వత్రిక ఎన్నికల కోడ్​ ముగిసిన అనంతరం రాజకీయ నేతల విగ్రహాలకు కప్పిన ముసుగులు తొలిగించారు. కానీ జాతీయ నాయకుల విగ్రహాల ముసుగులు మాత్రం ఇప్పటికీ తొలగించలేదు. పశ్చిమగోదావరి జిల్లా కొవ్వూరులో ఉన్న స్వామి వివేకానంద విగ్రహానికీ ఎన్నికల సమయంలో వేసిన ముసుగును అధికారులు తొలగించలేదు. స్వామి వివేకానంద ఏ రాజకీయ పార్టీకి చెందకపోవడం వలనే అధికారులు స్పందించడం లేదని స్థానికులు చమత్కరిస్తున్నారు.

ఇవీ చూడండి :ప్లాస్టిక్ సంచి తెస్తే.. కూరగాయలు అమ్మేది లేదు