తెలంగాణలో పాలిటెక్నిక్ డిప్లమా చేసిన వారు ఇంజినీరింగ్ రెండో సంవత్సరంలో చేరేందుకు నిర్వహించే ఈసెట్ ప్రవేశ పరీక్ష దరఖాస్తు గడువును ఆ రాష్ట్ర ఉన్నత విద్యాశాఖ పెంచింది. కరోనా పరిస్థితి దృష్ట్యా రాష్ట్ర ప్రభుత్వం లాక్డౌన్ విధించడంతో విద్యార్థులకు ఇబ్బంది కలగకూడదనే ఉద్దేశంతో ఈ నిర్ణయాన్ని తీసుకున్నామని కన్వీనర్ తెలియజేశారు.
ప్రస్తుతం ఈసెట్కు దరఖాస్తు చేసుకునేందుకు ఈ నెల 24 వరకు గడువు పెంచినట్లు రాష్ట్ర ఉన్నత విద్యామండలి కన్వీనర్ తెలిపారు. ఈ ప్రవేశ పరీక్ష జులై 1న జరగనుందని పేర్కొన్నారు. కరోనా తీవ్రత కారణంగా జూన్లో జరగాల్సిన ప్రవేశపరీక్షలు వాయిదా వేస్తే.. ఈసెట్పై కూడా ప్రభావం పడే అవకాశం ఉంది.